به‌رنامه‌یه‌کی‌ به‌ هێزه‌ بۆ کارکردن له‌سه‌ر وێنه‌ و دیزاین کردنی وێنه‌کان، که‌ زیاتر له‌ 3000 فڵچه‌ی جۆرا و جۆری تێدایه‌ و له‌گه‌‌ڵ ئامرازی زۆر جوان بۆ ده‌ستکاری کردنی وێنه‌کان و هه‌روه‌ها توانایی کردنه‌وه‌ی ئه‌م وێنانه‌ی هه‌یه‌‌ ( JPEG ،GIF ، PNG ، TIFF ، TGA ، PCX ، PSD ،BMP, PCD, WMF ، EMF)

پرۆگرامێکی زۆر باش و خۆڕاییە و بۆ رێکخستن و دەسکاریکردنی وێنە کەڵکی لێوەردەگیرێ و ، پشتگیری زۆربەی زۆری فۆرماتەکانی گرینگی گرافیکی دەکات وەکوو:BMP, JPEG, JPEG 2000, GIF, PNG, PCX, TIFF, WMF, ICO, TGA وهەروەها توانایی هەیە بۆ لابردنی سوورایی چاو،ناردن بە ئیمایل، گۆرینی سایز، تەنزیماتی رەنگ و...!

Fly Free Photo Editing & Viewer رێکخەرێکی ساکار بەڵام زۆر کاریگەرە کە وێرای رێکخستنی وێنەکان، توانایی بەرێوەبردنی وێنەکانیشی هەیە. ئەم ئامرازە بە هۆی ناوبژی گرافیکی یەکەی کە لە سەر بناغەی سیستەکی کردەیی مەک دارێژراوە، کارپێکردنی زۆر هاسانە و دەکرێ رووناکی و تاریکی وێنەکان و کەیفییەتەکەیان کەم و زۆر بکەین و سایزەکانیان بگۆرین، یان لە کۆی وێنەکان ئسلایدشۆی زۆر جوان درووست بکەین. ئەم ئامرازە بە سەرنج دان بەوەی کە قەبارەیێکی مامناوەندی هەیە لە توانای دایە لاپەرەی وێب بکات وێنە. جێگەی بایەخە بزانین ئەم پرۆگرامە بە چەشنێک درووست کراوە کە زۆر لە کارەکان وەک گۆڕینی سایزەکان، گۆرینی ناوەکان و... بە کۆمەڵ بە ئاکام بگەیێنێت. خێرایی لە کار وکردەکاندا، کارپێکردنی هاسانی ئامرازەکە و هەروەها پشتگری لە نزیک بە تەواوی فۆرمەتەکانی باو بۆ وێنە و فۆرمەتەکانی تریش بەشێک لە تایبەتمەندی ئەم ئامرازەن کە پێویستە لێی ئاگادار بین.

ئه‌م به‌رنامه‌یه‌ هه‌لده‌ستێت به‌ گۆرانکاریکردن به‌سه‌ر وێندا به‌ هه‌رجۆرێک که‌ تۆ ده‌ته‌وێت ده‌توانی سودی لێبینیت ، ده‌توانیت چه‌نده‌ها ئیفێکتی جوان دابنێت بۆ وێنه‌ ، نوسین له‌سه‌ر وێنه‌ ، گرافیک ، هه‌موو ئه‌و کارانه‌ی ده‌ته‌وێت ده‌توانیت به‌م به‌رنامه‌یه‌ بیکه‌یت .

جوانکاری و رازاندنەوەی وێنە و رووخسارەکان ئەمرۆ بە شێوەی تەواو رەنووسی و بەکەڵک وەرگرتن لە ئامرازەکانی پێژمێری دەستەبەر کراوە. لە رابردوو دا ئەم جۆرە کارانە زۆر گران و دژوار بوون، بەڵام ئەمرۆکە بە هۆی هەبونی ئامرازەکانی وەک ArcSoft Perfect365 زۆر بە سانایی دەتوانرێ رووخسارەکان برازێندرێنەوە. جوانکاریێک کە لە تێچوو دا واتە پێش دەسکاریکردن زۆر جیاوازە لە گەڵ دەرچوو دا کە ئامراز دەیداتە در. لە راستی دا ئەم کارە هەر ئەوکارەیە کە فۆتۆشاپ دەیکات، بەڵام بەشێوازێکی زۆر ساکارتر لە کارپێکردن دا و حەتتا نوێکارەکانیش بە بێ هەبوونی زانیاری بۆ بەکارهێنانی ئەم ئامرازە، زۆر بە سانایی دەتوانن ئەم ئامرازە بەکار بهێنن. لەم ئامرازە لێهاتووە دا زۆرێک لە کارەکان بە شێوەی خۆکارانە ئەنجام دەدرێن.
هەبوونی چوارچێوەی لە پێش دا تەراحی کراو لە ناو ئامراز دا، هەستان بە کەڵک لێوەرگرتن تەنیا بە کرتە کردنێک، دەرچوون بە فۆرمەتی دڵخواز، هاوئاهەنگی لە گەڵ فۆرمەتە جیاوازەکان و دەیان کرداری تر لە تایبەتمەندییەکانی ئەم ئامرازە بە هەژمار دێن. وەشانی نوێی ئەم ئامرازە کە لەم کۆتاییانە دا هاتۆتە بەرهەم، دەتوانێ یێکێ لە باشترین ئامرازەکانی دەسکاری کردنی وێنە بێ کە دەتوانێ بە هاسانی و هەر وەها بەهێزی زۆرەوە کارەکان راپەڕێنێ. هێندێک لە تایبەتمەندییەکانی ئەم ئامرازە بە کورتی بریتین لە:
-هەبوونی چوارچێوەی لە پێشدا دارێژراو
-کەڵک لێوەرگرتنی هاسان و هەستان بە کارەکان بە شێوەی خۆکارانە
-گوونجان لە گەڵ فۆرمەتە جیاوازەکان
-ئیمکانی پاشەکەوتکردن بە فۆرمەت و چۆنیێتی دڵخواز
-ئیمکانی ناسینەوەی رووخسارەکان بۆ جوانکاری کردنی خۆکارانە
-رواڵەتی گرافیکی ساکار و سەرنجراکێش
-و...

نەرمەواڵەیێکی زۆر سووکەڵە بە قەبارەی تەنیا ٣٠٠ کیلۆبایت، ئەویش بە بێ ئەوەی پێویست بەدامەزراندن بکات و پشتگری لە کردارەکانی ژێرەوە بکات:
- کەرەستەی ستانداردی کرداری ژوور و دەر وەکوو New ، Open ، Save ، Save As ، Close و ....
- کەرەستەی ستانداردی رێکخستن وەکوو Copy ، Paste ، Cut ، Past External و کرداری بەردەوامی Undo
- کەرەستەی نەقاشی وەک هەڵبژاردنی قەڵەمە جۆراوجۆرەکان(زیاتر لە ٢٠Brushی جیاواز)، قەلەمی جادوویی، زەرەبین، Clone( کەرەسەی دووبارەکردن بە شێوەی مۆر)، Gradient ، Dropper، کەرەسەی Fill و...
- پشتیوانی لە فۆرمەتی PSD، توێی جۆراوجۆری گرافیکی
-توانایی تەنزیمی کۆنتراست، رووناکی، Colour Balance و Level، گۆرینی رەنگ بە رەش و سپی و یان نێگاتیو
- فیلتێری جۆراوجۆر وەک Blur ، Sharpen ، Find Edges ، Stylize و ...هەر یەکەش لە چەند گروپ دا
- توانایی گۆرینی سایز، گۆرینی قوولینچک و ترانسفورمی جیاواز وەکوو وێنە و قەرینە و توانایی کێشان بە تەنزیمەوە
- ئیمکاناتی جۆراوجۆری تەنزیمی نەرمەوالە وەک نیشاندانی چەندین پەنجەرە و بەشە جۆراوجۆرەکانی بەرنامە
- پشتیوانی لە یونیکۆد و توانایی نووسین بە پیتی عەرەبی و...
ئەم نەرمەواڵەیە دەتوانێ وەک فۆتۆشاپێکی بچووک هەموو کات لە لامان بێ و بە قەبارەی کەمی دەکرێ بە ئینتێرنێتی کەم خێراش لە ناو ئیمایل دەری بێنین و کەڵکی لێ وەربگرین.

File Size:  355KB
File Ver:  1.5
Updated:  1 June 2010
Home page:  Click here
License:   Freeware
System Requirements: Microsoft® Windows:  XP, Vista, 7

Nature Illusion Studio ناوی نەرمەواڵەیێکە کەبە یارمەتی ئەو دەتوانن لە سەر وێنەی گیراو لە سروشت، ئێفێکتی ئاو و هەوای بۆ زیاد بکەن هەتا وێنەکە زیندووتر خۆ بنوێنێ. لەم نەرمەواڵەیە دا بەکارهێنەر بە کەڵک وەرگرتن لە کەرەسەکانی ناو بەرنامەکە دەتوانێ بۆ وێنەکان جووڵەی ئاو یان رۆیشتنی هەور و... لە سەر وێنە بلەکێنێ و بەم شێوەیە جوانکاری ئەنجام بدات. چەند تایبەتمەندی ئەم پرۆگرامە بریتین لە:
-توانایی دانانی ٦ شێوازی جۆراوجۆری ئێفێکتی جووڵە بۆ ئاو
-توانایی دانانی وێنە و ئەنیمەیشێنی تری ئامادە لەسەر وێنە
-توانایی دانانی ئێفکێتی ئاو هەوا وەک باران یان بەفر لە سەر وێنە
-بوونی کلێکسیۆنی ئێفکێتی زۆر جوان و سەرنج راکێشەر
-توانایی نیشاندانی وێنەکان پێش سەیڤ کردن
-لکاندنی دەنگی جۆراوجۆر وەکو دەنگی باڵندە و...
-توانایی سەیڤ کردنی وێنەکان وەک پارێزەری شاشە(ScreenSaver)
-توانایی سەیڤ کردنی وێنەکان بە شێوەی فایلی ئیجرایی وەک فۆرمەتەکانی Gif,AVI,EXE و...
-و..هتد

NeoPaint ستودیۆیێکی بەهێزە بۆ ویندۆز بە رواڵەتێکی ساکار بۆ فێر بوون، و بە تایبەتمەندی زۆر بەهێز و کەرەسەی پێشکەوتوو هاتۆتە بەرهەم. ئەم پرۆگرامە پشتگری لە زۆربەی فۆرمەتەکانی وێنە دەکات وەک JPEG ، GIF ، PCX، TIFF، BMP و PNG. وێرای ئەوانەش پشتیوانی لە سکەنێرەکان و کامێرا دیجیتالیەکان دەکات، بە کەیفیەتی زۆر بەرز بە شێوەی کارامە و حێرفەیی. توانایی پرینت کردنی هەیە بە شێوەی رەنگی وەیان رەش و سپی، و پێدانی ئێفێکتی جۆراوجۆر و قەڵەمی رەنگی و دەیان ئامرازی تایبەتی بۆ دەسکاریکردنی وێنە و تەرح بە کەیفییەتی بەرز.تەنیا شتێک کە دەبێ بیکەن برواکردن بەم ئامرازەیە، بۆ دابین کردنی خواستەکانتان.

PIXresizer بەرنامەیێکی سەرکەوتووە بۆ گۆرینی سایزی وێنە بە مەبەستی بچووک کردن یان گەورە کردنی وێنەکان بە بێ دابەزینی کەیفییەتی وێنەکە. ئەم بەرنامەیە لە توانای دایە کاری گۆرینی وێنە چ بە تەک و چ بە کۆمەڵ بە ئەنجام بگەیێنێ. زۆر خێرایە لە گۆرین دا و هەروەها بژاردەیێکی باشە بۆ گۆرینی نێوان فۆرمەتە گرافیکیەکانی وەک (BMP ، GIF ، JPG ، PNG ، TIF) .
هەروەها دەتوانن وێنەکان بە شێوەی رەش و سپی لێ بکەن یان بیسوورێنن بۆ هەر لایێک. ئەم بەرنامەیە دەتوانێ ئامرازێکی باش بێ بۆ دارێژەرانی ماڵپەرەکان و وێنەگرانی دیجیتاڵی.

بێ گوومان ئامرازێکی زۆر هەن کە لە بواری جوانکاری وێنە لە لایەن کۆمپانیاکانی جۆراوجۆر دا هاتونەتە بەرهەم، کە هەر یێکەیان تایبەتمەندی خۆی هەیە و هەر ئامرازەش لایەنگر و بەکارهێنەری خۆیشی هەیە. بەڵام یێکێ لە گرفتەکانی ئەم چەشنە ئامرازانە هەبوونی قەبارەی زۆر و داگیرکردنی سەرچاوەی سیستەم و دژوار بوونی کەڵک لێوەرگرتنیان بێ، کە بەکارهێنەر رادەکێشێ بۆ دۆزینەوەی ئامرازی سوک و کەم قەبارە بە هەمان تایبەتمەندی و کارایی نەرمەواڵەکانیتر.
PhoXo ئامرازێکی خۆرایی و کەم قەبارەیە کە بە چینێکی زۆر بەربڵاو لە کەرەستەکانی بۆ بڕین، وێنەکێشانەوە، جوانکاری، ئەندازە گرتن، درووستکردنی ئێفێکتەکانی شووشەیی، سێبەر،مۆنج و سەدان ئێفێکتی جۆراوجۆری تر، ئیمکانی بەرێوەبردنی ساکار و بەهێزی چینەکان و پشتیوانی لە توانایی کێشان و بەردان Drag & Drop, توانایی لابردنی سوورایی گلێنەی چاو و کەرەستەی بەهێز بۆ جوانکاری و...دەتوانێ ئامرازێکی جێگرەوەی سووکەڵە بێ بۆ راپەراندنی جوانکاریەکانی سەر وێنە و بۆ دابین کردنی گشت خواستەکانتان.